Ich gone morn als Leiter is Sommerlager (SOLA) vo de Jongwacht. Wel mer imene Zältlager send werd ich kei Internetaschloss ha ond drome werd sech i de nöchschte zwoi Woche (bes am 22.7.) nüt änder oder en neue Biitrag erschiine…
Ich han es wiiter Plugin installiert. Met dem cha mer Omfroge erstelle. Drome werds in Zuekonft öbbedie en Frog of de Siite geh. Di ersti esch scho online ond ich hoffe er stemmed flissig ab.
Wie das ers fended bewärtet er am Beste ond Schnellste met de Sterne onderhalb vo dem Biitrag oder wie gwont met emmene Kommentar.
(S’Plugin han ich öbrigens au im Blog “Ein Leben in Berlin und der ganze Rest” gsee. S’Plugin fended er do (onder 4. WordPress 2.0 Plugin: WP-Polls 2.11).)
Nach einige Problem han ichs jetzt chöne irechte, dass ehr alli Biiträg chönnt bewärte. Ich weiss nöd öb das e chli penetrant met em “(Nöd bewärtet. Bitte bewärte.)” esch, aber ich hoffe ich chan demet usefende was eu gfallt ond was eher weniger…
Wenn er “(Nöd bewärtet. Bitte bewärte.)” penetrant oder ebe nöd fended schriibed doch eui Meinig i Kommentarfunktion…
Also…Auf die Plätze…fertig…los!!!!!…ond afo bewärte…
(S’Plugin han ich öbrigens im Blog “Ein Leben in Berlin und der ganze Rest” gsee. S’Plugin fended er do (onder 5.WordPress 2.0 Plugin: WP-PostRatings 1.03).)
So, jetzt es das Blog scho sage ond schreibe 2 Mönet online. Ich möcht höt ond in Zuekonft emmer am erste Tag im Monet en Bilanz zie (wie scho am 1. Juni) ond eu di aktuelle Zuegreffszahle zeige. Wenn er of wiiter klicked gods ab zo de Bilanz vo dem Monet
Wel ich ghört ond gmerkt han, dass ich leider fell Tipp- resp. Schriibfehler mache, wett ich do en Wettbewerb (leider ohni Priise, wel ich för das leider z’wenig Gäld ond so han ,sonder us luter ondhaltig ;-)) lanciere. Läsed so fell Biiträg vo dem Blog wie möglech dore ond kompiered äntwäder d’Fehlerpassage i es Mail (bitte met Biitragtetel vermerkt ond met Beträff: “Dave’s Blog: Wär fended di meischte Schriibfehler??”) schtriicheds dor ond ersetztetz dor Korrektur (original muess sechtbar sii) oder Kopierets (met Biitragtetel) i Kommentarfunktion ond strichets met em HTML-Code {strike} resp. {/strike} dor (”{” ond “}” dor “< " ond ">” ersetzte).
Vell Spass!!
Do gsänder wie “eifach” das es esch en Lenk onder Windoof Vista z’lösche. Das zeigt e Mol, dass die bi Microsoft miniter Meinig no kei Ahnig vo emen eifache Betriebssytem händ.
Sorry, aber ich glaube das stemmt wörkli.
Gester ben ich am Argoviafäscht 2006 im Berfäld met es paar Kolleginne ond Kollege gsii.
Vor e chli meh als enere halbe Stond ben ich vom Argoviafäscht heicho. Ich han no es paar lostigi Föteli gmacht ond es paar Gschechte zom verzelle. Wel ich jetzt aber z’müed ben gon ich zerscht go schlofe ond tue denn morn de Brecht schriibe 
Höt send mer met de ganze Familie in MediaMarkt of Dietike zom euse erschte Fehrnseh z’poste (rechtig verstande ich han bis jetzt ohni Fehrnseh uscho). Wie das so esch esch das nöd ganz so normal verlofe ;-). Die Gescht möcht ich eu aber nöd vorenthalte
Jeah!!! Well jetzt au die möndlech Frnazap fertig esch, han ich jetzt 9 Woche (!) Sommerferie.
