Dave’s Blog

Höt send mer met de ganze Familie in MediaMarkt of Dietike zom euse erschte Fehrnseh z’poste (rechtig verstande ich han bis jetzt ohni Fehrnseh uscho). Wie das so esch esch das nöd ganz so normal verlofe ;-). Die Gescht möcht ich eu aber nöd vorenthalte

Mer send also am Morge so om di zähni z’Dietike in MediaMarkt gane. Denne send mer denn logischerwiis zo de Fehrnsehabteilig gane. Wär scho im neue MediaMarkt z’Dietike gsii esch het sehr worschindli die velle schwarze LCD-Displays obbe a de Wand gsee. Eus isch de sofort is Aug gstoche ond au d’Beldquälität het eus gfalle. Also send mer zo emene Verchäufer gane ond händ gfrögt öbb de au neumet im ondere Bereich, zom besser aa z’luegi, usgstellt sig. De het eu denn aber ufklärt, dass es kei schwarzi verchauft werded (oder so öbbis ;-)), sonder nor de gliichlig eifach in selber. Eus hett de aber nöd e so guet gfalle ond mer händ no wiiteri aglueget.
E chli spöter händ mer eus denn gliich chönne of de Selberig einige. Händ en zalt ond send en bi de Wareusgab go abhole.
Jetzt chonnd aber de Clou: Wo mer diheime denn de Fernseh uspackhänd, es en schwarze ond nöd en selberige zom Vorschiin cho. Z’erst send alli verschrocke, denn es händ sech jetzt alli of en selberige igstellt :-). Drom het mini Mueter grad e mol aglüte zom luege öbb mer dä weder chönnted gäg en selberige tusche. Dete esch uscho, dass di schwarze erst höt gleferet worde send ond die eigendlech wörkli noni hetted törfe abgeh werde.
Mer send aber gliich bim schwarze plobe ond mer send alli glöcklech

Do esch no es Bled vo eusem Fehrnseh (leider han ich kei schwarzi im internet gfonde :-():

Update (19:07): Ich han jetzt eifach sälder es Foti gmacht: