Dave’s Blog

Ich ben gester vom Morge am 7bni bes z’Obig am halbi 12i z’Luzern am Eidgenössiche Musigfäscht gsii. Wel sech de Musigverein Wohle am viertel vor 6i scho troffe hed han ich müesse am halbi 5i ufsto ond is Bett ben ich au erst am eis cho. Somet ben ich öbbe 20 Stond nostop wacht gsii, was sech am Schloss met grosser Müedikeit gösseret het ;-).

Aber z’erst zom Afang: Mer händ eus am viertel vo 6i troffe ond send denn met em Car of Luzern gfahre, dete het sech denn de Musigverin igspellt ond am 8ti ond zwänzg vo 9i vorgspellt (ich han nöd metgspellt, wel ich noni so guet of em Schlazüg ben ;-)).

Nachher send mer me em Scheff zo de Marschmusigstrecheckene gfahre ond ich han mich vo de Groppe glöst zom zueluege. Plötzlech han ich gmerkt, dass ich i di falsch rechtig zo de Parade glofe ben ond den Car esch oni mich zom Mettagässe gfahre. Drom han ich müesse zom Bahnhof laufe ond de Shuttlebus neh ond denn ben ich sogar no schneller als de Car dete gsii :-).

Am Nommitag händ mer denn Freiziit gha ond mer händ welle go Badhose poste. Leider hets nor XXL, XL ond L (ich brüüchti S oder M) geh ond d’Läde händ au no am 4i müesse zue tue, dromme händ mer keini meh chönne chaufe.
Denn send mer halt eifach e chli omme gerrt ond händ no es Glace gässe.

Wos am 6i Znacht geh hett, han ich fasch nömme möge ässe ond ich han so langs gässe wie no nie.

Z’Obig esch denn nömme so vell gloffe ossert dass ich no im KKL gsii ben *freu*.

Ziit esch denn au schnell vergane ond mer send weder hei gange.

Ich hans en mega gleis Tag gfonde wo aber leider au sini Tüüf gha hett (gäll Céline ;-))…