Mini letsch Woche (resp. scho die letschte eineinhalb Woche)
Wie sch vorgester z’Nacht gschrebe möcht ich jetzt eu verzelle was ich im Verlauf vo de letschte eineinhalb Woche gmacht han.
Also, vom Donnschtig bes am Soniitig ben ich met minere Klass im Abschloss(Abstortz)lager gsii. Wiiteri Infos fended er of de Klassepage ond d’Föteli dezue do.
Am Friitig händ mer au no d’Note vo de Abschlssprüefige erfahre. Ich han somet en Abschlossnote vo 4.9 gha. Im Dütsch han ich mech met emmene Schnett vo 5.25 om en ganzi Note öbertroffe, im Franz han ich mich met emene Schnett vo 3.25 (3.75 schreftlech ond 2.75 möndlech) mech aber om en ganzi Note verchlächteret ond i de Mathi ben ich met emene 5.25 öbbe dete blobe wo ich gsii ben.
Am Mänti druf han ich d’Schaarziitig vo Jonwacht ond Blauring Wohle de Geist Leo gmacht.
Denn am Mettwoch händ mer Zensurfiir gha ond send somet offiziell vo de Schuel entloh worde (wenn bi de Bez d’Föteli online send stell ich de Lenk ine).
Ond z’lescht ben ich gester no am Eidgenössiche Musigfäscht z’Luern gsii (do chond gäge de Obig no en eigen Biitrag dezue).
Er gsänd ich han vell z’tue gha ond drom ben ich nöd gross zom blogge cho, aber ich hoffe, dass ich i de nöchte Ziite weder meh Ziite ( 
) dezue han.
