Mini letsch Woche (resp. scho die letschte eineinhalb Woche)
Wie sch vorgester z’Nacht gschrebe möcht ich jetzt eu verzelle was ich im Verlauf vo de letschte eineinhalb Woche gmacht han.
BAP #2: d’Dütschabschlossprüefig
Höt händ mer d’Dütschabschlossprüefig gha. 120 Minute esch si gange. Z’erst 7 Siite Textverständnis ond Grammatik ond nachher no en Ufsatz.
Obwohl ich am Afang abe de 7 Stiie Textverständnis ond Grammatik verschrocke ben, het d’Ziit völlig glänet. Ich han also guet doremöge.
Im Text eschs om Sport gane. Im erste Text (es send emmer zwoi Text) esch om en Fuessbalfan gane ond im zwoite om en Maratonläuferin wo im Stadion di leschte Rondene nor no torkled esch…
Im Ufsatz han ich en Ziitigbrecht öber s’Sportereignis “Schwiiz - China (4:1)” gschrebe.
So, das wärs för höt. Jetzt muess ich denn no Mathi för morn lere.
