Archiv 2006 - 2011

Dave’s Blog

→ meine Klowand 2.0


BAP #3: d’Mathematikabschlossprüefig

D’Mathiap han ich gester gha, aber ich ben nömme dezue cho gester öbbis dezue z’schriibe. Sorry zäme. ;-)
Also, i de Mathiap gets eigendlech nor 9 Ufgabe (leider meistens a ond b) ond pro Ufgab zwoi Pönkt, also 18 Pönkt. För die 9 Ufgabe het mer 2 Stond(!) ziit. Easy, werde sehr worschindli einig vo eu tänke. Föllig falsch! Wär scho mol en settigi Prüefig gmacht het, werds wohl wösse… Die erst Ufgabe send jo scho no easy. So 3-5 Minute pro Ufgab, aber gäge Schloss werds emmer schwerige ond so ben ich nach zwoi Stond erst bim 8b gsii. Somet chan ich im maximum 15 Pönkt ha (8a, hani ich nöd gschafft z’löse). Das entsprecht öbbe emene 5i oder 5-6i. Somet wär mis Ziel vo emene 5er erreicht. Jetzt mues ich nor no hoffe, das alli glöste Ufgabe stemmed. Ich hoffe der tröcked mer Tume ;-)