BAP #4: di möndlech Franzprüefig
Vor kanpp eineinhalb Stone han ich mini letschi Abschlossprüefig gha.
BAP #3: d’Mathematikabschlossprüefig
D’Mathiap han ich gester gha, aber ich ben nömme dezue cho gester öbbis dezue z’schriibe. Sorry zäme. 
BAP #2: d’Dütschabschlossprüefig
Höt händ mer d’Dütschabschlossprüefig gha. 120 Minute esch si gange. Z’erst 7 Siite Textverständnis ond Grammatik ond nachher no en Ufsatz.
Obwohl ich am Afang abe de 7 Stiie Textverständnis ond Grammatik verschrocke ben, het d’Ziit völlig glänet. Ich han also guet doremöge.
Im Text eschs om Sport gane. Im erste Text (es send emmer zwoi Text) esch om en Fuessbalfan gane ond im zwoite om en Maratonläuferin wo im Stadion di leschte Rondene nor no torkled esch…
Im Ufsatz han ich en Ziitigbrecht öber s’Sportereignis “Schwiiz - China (4:1)” gschrebe.
So, das wärs för höt. Jetzt muess ich denn no Mathi för morn lere.
BAP #1: d’Franzabschlossprüefig
So, di ersti Abschlossprüefig vo de Bezerksschuel han ich öberstande ;-).
E esch di schreftlech Prüegig im Französisch gsii. Oui, c’est vrai ;-)… Ich gaube ich werd i dere Prüefig di schlächtescht Note ha (ossert vellecht Franz möndlech) ond ich weiss nöd wiso dass ich a de Kanti di zwoisprochig Matur met Franz ond Dütsch gwählt han!?!!?
Also, das wärs e mol öber d’AP gsii.
Ou…!! Wär e Mol wett alti APs löse luegt eifach e mol do.
Ich werd au do nöchte Täg weder öbbis öber d’AP schriibe. Ineluge lohnt sech also…
